أوقرانيا، روسيه وتوركيه (مقالەلر مجموعەسى)/آوروپا افکار عموميەسنه

روسیه، اسلاو اقوامنك سياسى كوتهبينلكندن استفاده ايدەرك على العموم «پانسلاویزم» نامیله طانینان بالادەکی فکری کندی آمال و تصورات تجاوزکارانه سنه خادم بر آلت حالته قويمشدر. بوفكر اوقراينا استقلالنك تحوينه، پولونيانك خاك مغلوبيت ومذلته سر لمسنه، توركيەنك ضعفه اوغرامسسنه سبب اولدیغی کی موسقوف چارلغتك صوك زمانلرده آغنی اوستريا - مجارستان اوزرینه آتمسه دخی سائق اولمشدر. غالب و مظفر پان موسقوفلغك آوستريا - مجارستانی پارچه لامق ايچون او مملكته غاليچيا قيوسندن صوفولق ایستیور، روسیه آرزو و طلب ایدییورکه ماضيده اونكله قومشوسی آوستریا - مجارستان پیشده اراضیسی تقسیم ایدیلن اوقراینا ملتى بوغازلر ایله در سعادت شهری اوزرنده تأسيس حاكميت نقطەسنه معطوف موسقوفلغك بوامل و تصورینی ساحة حقيقته چیقارمغه خدمت وياردم ايلسون. وروس ديبلوماسيسنك بر دستور حکمنی آلش اولان عقیده سیاسەسنجه در سعادته کندن پول ويانه دن کچر. بو مقصدينه واصل اولق ايچون روسیه غالیچادەكی عرقداشلرمز میاننده بر چوق سنەلردن بری أل آلندن برطاة تحريكات وتسويلات اجرا ابتدی. روسيەنك حسابى میداندەدر: روسيەده أك أغير تجبر وتحكم آلتنده يشايان قوممزك غالیچادە ساكن قسمى روسيەنك دعواسته قزانیلسه موسقوف سنجاغی قاربات طاغلرينك ذروه الرينه ركز ايتمك وظیفەسی روسیه ايچون پك زیادہ کسب سهولت ایدردی. حالبوكه روسیەده متمکن اولان اوتوز مليون اوقراينالى غالیچادەكی قرداشلرينك تأثير و نفوذى آلتنده کندی منافع مليه وسياسەلرينى بحق محاكمه وتقدير ايدەجك بر حاله کلسەلر روسيەنك بوتون تصورات اتساعکارانه وفتوحاتجويانەسی صویه دوشر. ایشته روسلر بویله دوشونیورلردی.

اوقرايناليلر ايله مسكون ايالتلر روسیەدن قوپارلمدقجه روسیه محاربۀ حاضرهده اك محو ايديجى هزيمته دوچار اولسه بیله بومغلوبیت کندیسه آنجق خفیف بر ضربه تأثيرينى اجرا ایده جکدركه بونك آلندن روسيەنك بهمه حال بر قاچ سنه ظرفنده قالقينه جغته وبلنى تكرار طوغريلتەرق اوروپا صلحنى تهديد واخلال ايتمكدن عبارت اسکی روانه عودت ایدەجکنه هیچ شبهه ایتماملیدر. آنجق اتفـاق مثلتك بر بیکی اوله جق حر ومستقل بر اوقراينـا حكومتيدركه (قارپات) طـاغلرندن (دون) نهرینه و بورادن دە قرەدکز سواحلنه قدر اوزایه جق واسع اراضيسيله اوروپا ايچون روسیەيه قارشو بر سپر وحائل وظیفەسنی ایفا ایده بیلەجکدر، اوروپا ایله موسقوفلق عالمی آره سنده بر دیوارکی طوره جق اولان بر اوقراينا حكومتى جارلغك آمال توسعكارانهسنى ابدياً عقيم براقدقـدن بشـقه اسلاولق عالمنى پان موسقوفلغك تأثيرات مشئومه سندن بری ومصون قيلەجقدر.

مدنيت قديمەسنی موسقوفلرك قارشو محافظه ایتمکدن عبارت وظیفه تاريخيه لرینی بحق و تماماً درك و حس ايدن اوقرايناليلر من القديم روسیەيه قارشو اك بيوك خصومت و عداوت پرورده و ابراز ايلمشاردر. بو ملت، استرداد حریت اوغورنده وقوع بولان حركات و مجادلاتنده غرب عالمنك و بالخاصه آلمانلرك معاونتنی طلب ایتمکدن هیچ بر زمان خالى قالمدى. (بوغدان شمەلنیتسکی Bogdan Chmelnitzky)، (دوروشەنقو Dorosclienko) و (اورليق Orlyk) نامندەکی هەتمانلر امداد آلمق ايجون آلمانیایه، (مازەپا Mazeppa) هەتمانی ایسه عينى مقصد ایله اسوچه مراجعت ابتديلر. حتى ايكنجى (قاتەرينا) نك دور سلطنتنده بيله اوقراينا اصیلزادكانی موسقوفلق عالمنك مظالمنه قارشو پروسیا سرای قرالیسندن استمداد ابتديلر. کچن سنه مارت آینده (کيەف) شهرنده (شەوچەنقو Schewtschenko) نامنه وقوع بولان نمايشـدر وبونلر اثناسنده «يشاسون آوستريا»، «محو اولسون روسیه» کی ندالر یوکسلدیلمسی اوقراينا مفکورۀ سياسيەسنك تكرار عنعنات قديمة تاريخيه طريقنی طوتمغه باشلاديغنه اك باهر بردليلدر.

و اوقراينا جمعیت استخلاصیەسی، نامی آلتنده برلشمش اولان بز اوقراینالیلر روسیه ايله صوك وقطعى بر حساب كورمك اوزرە بوتون قوتلرمزى جمع وصرف ايدەجكز. روس - آوستريا حدودينك ایکی طرفندەده متوطن اولان ملتمز ارثی دشمنمز ایله قطعی و انتهائی بر حربه كيريشمك اوزره حاضر لانديغي وسلاحلندیغی شوو خیم زمانده بوتون عالم مدنيته شو خطابه مرزی توجیه ایدییورز. ازجان ودل تمنى ایدرزکه اوعالم حقلی دعوامزی مدافعه ایتسون. بز اوروپا افکار عموميەسنه اوقراینا دعواسنك عينى زماندەده اوروپا ده موقر اسیسی دعواسی اولدیغی قناعت وايمانيله مراجعت ايدييورز، اوقراينـانك واسع اووه پرنده روسیه به قارشو اوقراينا حکومتی شکلنده قوی بر استحكام وجوده كتيرلمه نيجـه اوروپا هیچ بر زمان راحت یوزینی كورميەجك، اوروپا هیچ بر زمان چار لغك تهلكه استيلاسندن قورتولميه جق، اوروپا هیچ برزمان آثار واجراآت مدنيه سـنك آتیسندن امين اولمیەجقدر. ملتمزك عصرلرجه موسقوفلق عالمی ایله اجرا ایتدیکی محاربات و مبارزات اثناسنده اختیار ایلدیکی مدهش فداكارلقلر بزه جهـان مدنيتك عارفانه وواقفانه انظار دقتنی اوقراينـانك اعادۀ حریت واستقلالني استهداف ایدن دعوام اوزرینه جلب ايتمك حقنى ويربيور. جسیم برر مزارلغی آکدیران میدان حربلرده بيكلرجه اوقراينالينك قانی آقدیغی واوروبا ملل واقوامنك آتی مقدراتی تعیین ایدلدیکی شوزمانده دعوامرك بوتون اهمیتی اوروپاجـه مجهول قالمامق ايچون منافع سياسيەلرى حريتك ومدنيتك منافعي ايله متحد وتوأم اولان بالجمله ملتلرك افكار عموميه سنه مراجعت ايدييورز.

اوقراينا جمعیت استخلاصیەسی نامنه

آ. اسقورریس پولتوهوفسکی		د. دونزوف
آ. زوف		هـ. دوروشەنقو
	م. مەلەنەفسکی